Har lamha geet ban jaata hai tere pehlu me aa ke
Jo tu gunguna de toh khuda jaane kya ho
Teri saans se dekhi har su mehekti khusbu
Jo tu muskura de toh khuda jaane kya ho
Tere simte gesu jaise aasman bandha ho
Jo tu lehra de toh khuda jaane kya ho
Laakh moti lage hain tere haath mehendi k
Jo tu luta de toh khuda jaane kya ho
Tere naqab ne bana diya charcha sheher me
Jo tu hata de toh khuda jaane kya ho
Kai raaz chupe hain zamane k in aankho me
Jo tu bata de toh khuda jaane kya ho
0 comments:
Post a Comment